* Руснаци свяотчно и зоз богату програму преславели свойо Националне швето всоботу 19. януара, цо пошведочело и наисце вельке число домашнїх и госцох

~ . ~

Централна преслава започала зоз благодарну Службу Божу котра ше отримала у Катедралней церкви св. оца Миколая на 17 годзин, а предводзел ю преосвящени владика кир Георгий Джуджар зоз дзешец священїками з шицких наших парохийох, а Служби присуствовали и визначни госци з нашого култруного и политичного живота, алє и велї вирни домашнєй парохиї и госци з велїх наших местох.

После Архиєрейскей Служби у просториї над владическу крипту Катедралней церкви отворени вистави „12 пошвецени” – портрети священїкох керестурскей парохиї и „Керестурски ведути” – малюнки зоз подобовей колониї „Няради”.

Виставу у мено Заводу за културу войоводянских Руснацох представела Анамария Ранкович, а з пригоднима словами отворела Ирина Гарди Ковачевич хотра и рецензент вистави хтору обдумала Олґа Карлаварис.

У Велькей виронаучней сали понукнути после вистави и богати традицийни Етно-стол, котри пририхтали вредни жени зоз Здруженя женох „Байка” з Руского Керестуре.

Госци могли покоштовац рижни традицийни єдла як цо то капущанїки, белюши, ґоргелї, череґи, поґачики, та и други слани и сладки печива.

Кед ше ошвижели и заєдли з Етно-стола, госци и домашнї преславу предлужели у Велькей сали Дома култури, дзе отримана дванаста по шоре Централна преслава з нагоди Националного швета Руснацох у Сербиї.

Шветочна академия отворена зоз гимну Републики Сербиї „Боже правди”, а потим одшпивана и шветочна шпиванака „Браца Русини” котри одшпивал Мишаних хор Дома култури и Катедралней церкви св. оца Миколая, под руководством Лидиї Пашо и у провадзеню Националного орехестру под  руководством Мирона Сивча.

Присутних привитал и швето повинчовал предсидатель Националного совиту рускей националней меншини Борислав Сакач, владика кир Георгий Джуджар, амбасдор українскей амбасади у Сербиї Олександер Александрович, предсидатель дочасового орґану Општини Кула Велибор Милоїчич, та покраїнски секретар за културу, явне информованє и одношеня з вирскима заєднїцами Драґана Милошевич.

Програма ше далєй зменьовала своїм цеком, та велї пристуни госци и домашнї у сали Дома култури и у голу дакедишнього „Клубу 10” на видео бимох могли патриц богату и наисце цикаво обдуману програму у котрей участвовал Мишани хор Дома култури и Катедралней церкви св. оца Миколая и Народни оркестер Дома култури, виривок з документарно-бавеного филма „Йован Хранилович – чловек злучованя” и часц филма о Руским просвитним дружтве, та Мирослава Малацка котри през ґлуму представел улогу оца Михайла Мудрия у националним препородзе рускей заєднїци.

Наступел и Вельки народни оркестер Дома култури, керестурска Дзивоцка ґрупа „Ария”, Кристина Афич, та Катарина Кочиш.

Наступел и Камерни состав Школи за музичне образованє оддзелєня у Руским Керестуре. Програма зкаончена зоз мелодиями Националного оркестру, котри источашнє преславел и свой дзешецрочни ювилей иснованя.

Програму водзели Марина Сабадош и Владимир Бодянец, а авторка конферанси була Мая Зазуляк Гарди. Шветочносц пририхтали Орґанизацийи одбор Централней шветочносци, Завод за културу войводянских Руснацох, Дом култури Руски Керестур и Национални совит рускей националней меншини.

Технїчну потримовку дала Радио-телевизия Войводини, а преславу финансийно помогнул Покраїнски секретарият за културу, явне информованє и одношеня з вирскима заєднїцами, Општина Кула и Национални совит рускей националней меншини.

Кед ше закончела музично-култура програма шицки госци и домашнї пошли на пририхтани коктел у ресторану „Червена ружа” котрому присуствовало коло 400 особи.

Общи упечаток учашнїкох, госцох и домашнїх же преслава була орґанизована як таке швето и вимагало – достоїнствено, святочно и же порисуство и анґажованє младих авотрох и учашнїкох дало окремни печац котри потвердзуе же будучносц Руснацох сиґруна покля маме таки таланти котри годни буц, у будучносци и водзаци моци руского народу.

Оленка Живкович / фото: „Рутенпрес”

Медијска пажња и пратња: Нови Радио Сомбор

Objavljeno u Prva vest

* Руснаци свойо националне швето означа 17. януара и през цали тидзень пред Централну преславу ше означи у Подручних канцеларийох Националного совиту

Централна преслава ше того року уж по дванасти раз тераз  отрима у Руским Керестуре всоботу, 19. януара.

Шветочносц почнє зоз Архиєрейску благодарну Службу Божу у Катедралней церкви св. о. Миколая на 17 годзин.

Преслава ше предлужи зоз отверяньом вистави „12 пошвецени” и „Кереструски вердути” у просторийох над крипту Катедралней церкви на 18:30 годзин, та ше предлужи у Велькей виронаучней сали дзе будзе понукнути Етно-стол.

Шветочна академия ше отрима у Велкей сали Дома култури у Руским Керестуре на 20 годзин, а коктел на 22 годзин у ресторану „Червена ружа”.

Оленка Живкович

~ . ~

* Nacionalni praznik Rusina se obeležava 17. januara, a čitavu nedelju pre Centralne proslave će biti obeležavan i u Područnim kancelarijama Nacionalnog saveta

Centralna preslava će ove godine biti održana u Ruskom Krsturu u subotu, 19. januara, i to po dvanaesti put.

Svečanost će započeti Arhijerejskom blagodarnom Službom Božjom u Katedralnom hramu sv. o. Mikolaja u 17 časova.

Proslava će biti nastavljena otvaranjom izložbe „12 posvećenih” i „Krsturski verduti”, u prostoriji iznad kripte Katedralne crkve u 18:30 časova, a produžiće se u Velikoj veronaučnoj sali gde će biti ponuđen Etno-sto.

Svečana akademija je zakazana u Velikoj sali Doma kulture u Ruskom Krsturu u 20 časova, a koktel u 22 časa, u restoranu „Crvena ruža”.

Olenka Živković

Objavljeno u Prva vest

БЕОҐРАД – На наиходзацих виберанкох за нових членох Националного совиту (НС) Руснацох, котри буду отримани 4. новембра, Руснаци буду гласац за седем лїстини котри преглашела Републична виберанкова комисия

На виберацким списку лїстини пошоровани по шоре як су преглашовани, а на нїх ше находза вкупно 83 особи котри ше кандидовали за членох нового зволаня НС.

На першим месце ше находзи лїстина „Руснаци вєдно” (19-еро кандидати): Борислав Сакач (1959), Нови Сад; Йоаким Рац (1956), Руски Керстур; Мартица Тамаш (1961), Вербас; Микола Кухар (1968), Дюрдьов; Зденко Лазор (1983), Бикич; Єлена Сивч (1987), Руски Керестур; Михайло Киш (1984), Кoцур; Миломир Шайтош (1960), Нови Сад; Марина Джуджар (1988), Руски Керестур; Михайло Пашо (1981), Руски Керестур; Иґор Фейди (1986), Руски Керестур; Саня Тиркайла (1970), Руски Керестур; Владимир Олеяр (1981), Руски Керестур; Борис Надь (1969), Бачинци; Аранка Медєши (1960), Коцур; Мирон Рамач (1974), Руски Керестур; Мирослав Джуджар (1964), Дюрдьов; Ксения Бенце (1965), Коцур; Владимир Варґа (1980), Руски Керестур.

Кандидати за членох на другей придатей лїстини „Буц и остац РУСНАК – ОЛЕНА ПАПУҐА” (7-еро кандидати): Олена Папуґа (1964), Руски Керестур; Деян Загорянски (1981), Вербас; Дюра Винаї (1958), Нови Сад; Мелания Римар (1958), Петроварадин; Борис Маґоч (1979), Нови Сад; Виктор Винаї (1995), Нови Сад; Олґа Радович (1950), Нови Беоґрад.

На лїстини „За Руснацох – Желько Ковач” (12-еро кандидати) находза ше: Желько Ковач (1973), Руски Керестур; Яким Винаї (1986), Руски Керестур; Марина Дудаш (1991), Руски Керестур; Иван Емейди (1992), Руски Керестур; Ярослав Фейди (1977), Руски Керестур; Каролина Папуґа (1976), Руски Керестур; Желько Орос (1989), Руски Керестур; Тихомир Фейди (1972), Руски Керестур; Татяна Бучко-Рац (1967), Руски Керестур; Мирко Надь (1985), Руски Керестур; Деян Будински (1997), Руски Керестур и Мария Стрибер (1972), Руски Керестур.

На штвартим шорним месце лїстина „Руска будучносц”, а на котрей ше кандидовали 12-еро члени: Стеван Самочета (1990), Коцур; Мелания Мали (1994), Коцур; Соня Виславски (1992), Руски Керестур; Иґор Барна (1992), Дюрдьов; Иван Канюх (1991), Нови Сад; Тамара Салаґ (1995), Дюрдьов; Андрей Орос (1997), Руски Керестур; Йован Живкович (1998), Нови Сад; Ивана Чордаш (1999), Нови Сад; Моника Гарди (1980), Коцур; Татяна Цап Имрич (1984), Суботица и Тимотей Рац (1992), Коцур.

„Лїстину шлєбодних кандидатох” творя 16-еро кандидати: Микола Шанта (1959), Коцур; Весна Раґаї-Цап (1960), Коцур; Гелена Бабич (1959), Нови Сад; Юлиян Рац (1954), Руски Керестур; Тарас Чапко (1973), Дюрдьов; Мария Тот (1959), Нови Сад; Звонко Сабо (1954), Вербас; Владислав Варґа (1954), Нови Сад; Ирина Ковачевич (1944), Нови Сад; Юлиян Ковач (1950), Шид; Микола Цап (1959), Коцур; Гелена Папуґа (1989), Вербас; Леона Виславски (1956), Дюрдьов; Оля Русковски (1985), Коцур; Микола Колєсар (1955), Коцур и Мария Дудаш-Фейса (1959), Коцур.

Кандидати на лїстини число шейсц „И ми Рускинї/Руснаци” (9-еро кандидати): Наташа Макаї-Мудрох, (1974), Сримска Каменїца; Александар Човс (1982), Нови Сад; Владимир Иван (1981), Коцур; Даря Медєши (1972), Вербас; Янко Хома (1992), Руски Керестур; Владимир Балащак (1980), Латярак; Сашенька Дьордєвич (1993), Вербас; Мирон Джуня (1969), Нови Сад и Себастиян Няради (1992), Руски Керестур.

Остатня, седма преглашена лїстина „Млади маю предносц” на котрей єст осем кандидатох: Борис Фейди (1992), Коцур; Ребека Планчак (1997), Руски Керестур; Мирослав Ковач (1978), Вербас; Мелита Рускаи (1993), Сримска Каменїца; Владимир Микита (1976), Кула; Любка Скубан (1980), Коцур; Любомир Медєши (1992), Коцур и Славица Мармила (1966), Кула.

„Рутенпрес”

Medijska pratnja: Novi Radio Sombor

Objavljeno u Prva vest

Kontakt

Venac Stepe Stepanovića 9
Sombor 25000
e-mail: office@noviradiosombor.com
Tel: +381-25-442-442
Mob: +381-65-8-675-445
http://noviradiosombor.com

Linkovi

POSTANITE SARADNICI

Svi koji želite, možete da postanete saradnici Novog Radio Sombora, bilo gde da živite i boravite.

Javite se na e-mail: office@noviradiosombor.com
Telefon: +381-65-8-675-445

Top
We use cookies to improve our website. By continuing to use this website, you are giving consent to cookies being used. More details…